મૌન કહો તો ...
મૌન કહો તો એક શબ્દ છે આમ જુઓ તો વાણી.
![](http://2.bp.blogspot.com/-ATBDzbot6_c/T-b12iZZrsI/AAAAAAAAAqg/AxC4Zzdh-gs/s320-rw/water.jpg)
જળની કુંડળી પરપોટામાં
શાને જાય સમાઇ ?
પથ્થરમાંથી ઝરણું ક્યાંથી
પ્રકટે એ જ નવાઇ ?
નદી,સરોવર,સમદર જળની જૂજવી હોય કહાણી
મૌન કહો તો એક શબ્દ છે : આમ જુઓ તો વાણી.
રેતી પર એક નામ લખું
રે પવન ભૂંસતો જાય
જળમાં તારું નામ લખું તો
તરંગમાં લહેરાય
રહસ્ય પછી આ જિંદગી જોને બેઠી ઘૂંઘટ તાણી
મૌન કહો તો એક શબ્દ છે : આમ જુઓ તો વાણી.
(અજયભાઈ પારકરના આભાર સાથે )
Comments